2021 жылдың 14 маусым күні №3 ЖББМ-де, 11-сынып түлектері үшін Қазақстан Республикасы Тәуелсіздігінің 30 жылдығына арналған "Тәуелсіздік ұландары" атты салтанатты аттестат табыстау іс-шарасы, Қазақстан Республикасы Білім және ғылым министрлігінің бірыңғай концепциясына сай өткізілді. 2020-2021 оқу жылында мектеп бітіруші түлектердің саны 26, оның ішінде 4 түлек «Алтын белгіге» ие болды. Концепция бойынша, карантин уақытында 11-сынып мектеп бітіруші түлектеріне жалпы орта білім беру туралы аттестаттарды табыстау шарасы қатысушылар саны шектелген және барлық санитарлық нормаларды сақталуымен өткізілді. Алтын ұясынан қанаттанған түлектерімізді үлкен өмір жолына аттандыра отырып, ақ жол, сәт сапар тілейміз. Келешектеріңіз жарқын, шығар шыңдарыңыз биік болғай! Сәт сапар - Жас Түлек-2021!
