Қазақстан Республикасы Қарулы Күштерінің 30 жылдығы мен Ұлы Отан соғысындағы Жеңістің 77 жылдығына орай, 2022 жылдың 4 мамыр күні, №3 ЖББМ-де, өскелең ұрпақтың Отанға деген патриоттық сезімін арттыру мақсатында "Ерлік сабағы" өткізілді. Іс-шарға Жезқазған қаласы қорғаныс істері жөніндегі басқармасының басшысының орынбасары Р.М.Назарбаев, ҚР ҚК-нің ардагерлер одағының өкілі В.А.ПАК, тәжік-ауған шекарасындағы соғысының ардагері Д.Ө.Ерубаев және мектеп түлегі,отан алдындағы борышын өтеп келген жас сарбаз-Е.А.Жұмаділда қатысты. Ерлік сабағының құрметті қонақтары оқушыларға Тәуелсіз Қазақстанның қалыптасуымен таныстырып, өткен жүзжылдықтың батырлары мен бүгінгі күннің батырлары туралы айтып берді.Отан қорғаушылар күні мен келе жатқан Жеңіс күніне орай балаларға қазақ жерінің ұлы жауынгерлерін тағы да еске алу ұсынылды. Ерлік сабағының жалғасы ретінде оқушыларға ата-бабаларымыздың батырлық дәстүрлеріне негізделген қазақстандықтар үшін патриотизм мектебі болып табылатын ҚР Қарулы Күштеріндегі қызмет туралы «Қазақстан Патриоттары» бейнеролигі көрсетілді.Жүргізілген ерлік сабағы барысында мектеп оқушылары өздерінің көкейлерінде жүрген сұрақтарға жауап алды. Ерлік сабағы 5 "В" сынып оқушыларының "Солдаты" хорымен аяқталды. "Ер есімі – ел есінде”,- демекші, бізге жарқын болашақ, бақытты ғұмыр сыйлаған аталар, апалар ерлігі ешқашан ұмытылмайды. Солардың қасиетті рухы бүгінгі бейбіт тірлігімізге нұрындай мәңгі шуағын шашпақ.
#ЕРЛІКСАБАҒЫ⭐️
