Қазақстан халқының бірлігі күні мерекесі бүгінгі таңда бейбіт өмір мен ынтымаққа тұрмыс кешіп отырған ел тұрғындары үшін ыстық ықылас пен достық ниеттің дәстүрі, асыға күтер мейрамы. Бұл күн - әрбір қазақстандық үшін Отанға деген сүйіспеншілік пен патриоттық сезімнің, азаматтық борыш пен жалпы ұлттық келісімнің мерекесі.
2022 жылдың 29 сәуір күні,№3 ЖББМ-де, 1 мамыр - Қазақстан халқынының бірлігі күні аясында «Ұлы достық отауы — Қазақстан» атты тақырыпта салтанатты жиын өткізілді. Мектеп басшысы Мукашева Айман Төлеубековна жиынға қатысушы қонақтар мен ұстаздар және оқушыларды құттықтап, игі тілектерін жеткізді. Мерекелік іс-шарада мектебіміздің жас өнерпаздары бірінен соң бірі шығып, ән-биден мерекелік шашу шашты. Салтанатты шара соңында, бастауыш сынып оқушылары «Туған жер» хорын асқақтата шырқады.
Бір шаңырақтың астындағы халқымыздың достығы мен өзара түсіністігі одан әрі жалғасып, еліміздегі ұлтаралық татулық әрдайым берік болып, қашан да ынтымақ, бірлік мәңгі жасай берсін!
#1мамырқазақстанхалқыныңбірлігікүніқұттыболсын
