Ұлытау облысы Жезқазған қаласының №3 жалпы білім беретін мектебінде Жезқазған қаласының Полиция басқармасы экстремизмге қарсы іс-қимыл бөлімшесінің бастығы, полиция капитаны Думан Мұхамбетұлы Айтбаев 8-сынып оқушыларымен кездесу өткізді.
Кездесу барысында оқушыларға экстремизм мен терроризмнің қоғамға тигізетін зияны, оның алдын алу жолдары, интернет кеңістігіндегі қауіпсіздік ережелері және жасөспірімдердің құқықтық жауапкершілігі туралы маңызды ақпарат берілді. Сондай-ақ, полиция капитаны оқушылардың сұрақтарына жауап беріп, өз ойын ашық жеткізді.
Іс-шараның мақсаты — жасөспірімдердің құқықтық сауаттылығын арттыру, қоғамдағы бейбітшілік пен татулықтың маңызын түсіндіру, жастарды теріс идеологиялардан сақтандыру болып табылады.
