2023 жылдың 23 мамыр күні, №3 ЖББМ-нің бітіруші 11 “А” сыныбының түлектері, ата-аналары, мектеп әкімшілігі және пән мұғалімдерінің қатысуымен «Бала сезімі - көңіл толқыны» атты сырласу кеші ұйымдастырылып өткізілді. Түлектер ата-аналарға шақыру қағазын өз қолымен жасап таратты. Іс-шарада сыныптың оқу жылындағы жетістіктері бойынша көрме жасалып бейнероликтер көрсетілді. Ата-анаға, ұстаздарға ризашылықты білдіретін әуендер айтылып, әр оқушы өзінің ата-анасына, ұстаздарына рақметін білдіріп, болашағы жайлы сыр шертті. Іс-шараға пән ұстаздары қатысып түлектер жайлы әсерлі әнгімелер жүргізіп, алғыс хаттар тапсырылып, алдағы емтихандарға сәттілік тіледі.
