#UMCТәрбие #UMCKRG #UO_KRG
Қазіргі заман қыз бала тәрбиесіне ерекше мән беруді қажет етеді. Қыз баланы тәрбиелеу – ұлтты тәрбиелеу деген сөз. Отбасы – қоғамның бір бөлшегі. Ал отбасының алтын қазығы – әйел адам. Бесігінде жақсы тәрбие алған, үлгі өнеге көрген қыз бала келін болғанда да сол әдетін сақтайды. Сондықтан да, бүгінгі ұлттық салт дәстүріміздің қыз бала тәрбиесіне байланысты тұстарын айтып өтпекпін.2021 жылдың 17 қараша күні, мектепішілік "Аналар клубы" жоспарына сәйкес, 6 "А", 6 "Ә" және 6 "Г" сыныптарының қатысуымен "Қыз тәрбиесі-ұлт болашағы" атты тақырыпта дөңгелек үстел ұйымдастырылды. Мақсаты қыз балаларға адамгершілік, адалдық, іс-қимыл, жүріс-тұрыс дағдысы, қыз намысы, сымбаты туралы жан-жақты мағлұмат беру арқылы қыз балалардың бойына рухани - адамгершілік, әдептілік, сыпайылық, тиянақтылық, имандылық, тазалық қасиеттерді дамыту. Жеке бас гигиенасын сақтауға тәрбиелеу. Дөңгелек үстелге Жезқазған қаласының "Ана үйінің" басшысы Пирекенова Гулмира Изкеновна шақырылды. Іс-шара барысында, қыздарға болашақ ұрпақ бойына адамзаттық құндылықтарды және ұлттық рухани байлықтарын сіңіретін тәрбие ошағы екендігін кеңінен насихаттап, талқыланды. 6 "Г" сыныбының жетекшісі Омарова А.А, сергіту тренингін жүргізіп, жеке бас тазалық-гигиеналары, зиянды әдеттерден сақтану кеңестері, денсаулықтарын күту жайында терең мағлұмат берді.
